GINANAP sa The Hall of Belle ang customary dinner nila bilang bagong kasal. Solo nila ang function hall at bagaman madalian ang preparasyon, nakita niyang ganap na inayusan ng staff ni Jack ang lugar na iyon. There were lots of flowers and lighted candles around.
Ang mga magulang niya ay nakatuon sa mag-asawang Davis ang pag-e-estima. Business talks, as expected. Ang Kuya Leandro naman niya ay kumibo-dili at patingin-tingin lang. Sina Belle at Pepper ang parang bata na mga kinikilig at panay ang sulyap sa kanila.
Humabol sa dinner na iyon si Stephen na matapos yumukod sa mga magulang ay bumati sa kanila.
“Sorry, pare, late ako. Hindi ako agad nakaalis doon sa meeting ko,” sabi nito kay Jack at bumaling sa kanya. “Congratulations.” Hinalikan siya nito nang magaan sa magkabilang pisngi
