MARAHAS na napabuga ng hangin si Draco at nahilot ang mga sentido dahil masakit ang kaniyang ulo. Nag-iisa siyang nakaupo sa isang lamesa sa coffee shop na malapit sa Bachelor’s Pad. Dinadaan sa café Americano ang puyat, sakit ng ulo at stressed ng mga nangyari kani-kanina lamang sa Visperas Hotel at sa katotohanang hindi niya matawagan si Janine kanina pa. Huli na nang maalala niyang patay nga pala ang cellphone ng dalaga.
At mas lalong hindi naman niya ito puwedeng makita sa araw na iyon. Nagboluntaryo nga siyang ihatid sa bahay ang mommy niya nang bahagya na itong kumalma kanina pero tumanggi ito. Mas makabubuti daw na huwag muna siyang magpunta sa bahay. Alam ni Draco na ang ibig sabihin ng kaniyang ina ay huwag muna niyang makita si Janine. Kahit na determinado siyang makumbinsi ang
