“Ma'am Glenda sa ospital ka ba pupunta?” tanong ni Nonoy ng mailabas na sa kalsada ang sasakyan na minamaneho.
Madalas ay umaga pa lang ay umaalis na sila patungo sa ospital o kung saan sila tutungo. Ngayon ay ala-una ng hapon ng biglan ipatawag siya ni Glenda dahil nga raw may pupuntahan sila.
“Hindi, Noy. Hindi tayo pupunta ng ospital. Sa isang fine dine restaurant tayo pupunta,” ang sagot ni Glenda na malayo ang tingin at tila nababalisa na naman.
Gusto rin sanang maidlip ni Glenda ng ganitong oras ngunit nakatanggap siya ng tawag mula sa imbestigador na hinangan niya ng tulong upang hanapin o tukuyin ang hindi kilalang taong nangingikil sa kanya.
Kaya naman talagang tinawag niya talaga si Alona sa ibaba ng bahay para agad tawagin ang kanyang personal driver para puntahan ang lugar
