"Anong ginawa mo sa kanya, Andi?"
"Wala! Nagtanong lang ako."
"Eh bakit galit na galit siya?"
"Aba malay ko!"
Napaatras ako nang makarinig ako ng kalabog ng pintuan kasabay nang muling pagsigaw ni Ace sa pangalan ko. Ilang minuto na ang nakakalipas simula nang magkulong ako dito sa kwarto at ilang minuto narin sila nagsisigawan ng babae sa labas.
Napabuntong hininga ako at patagilid na humiga. Niyakap ko ang unan ko na nasa gilid at pumikit. Nagugutom na ako, pero naiinis ako sa mga nalaman ko. Paanong nagawa ni Ace na isama ako dito sa bahay niya gayong may asawa na pala siya?
Hindi ba siya nag-iisip o sadyang malandi lang siya?
"Damn Harlene, open this door!" Inis na bumangon ako at binato ang unan na yakap-yakap ko kanina sa may pinto. Sobrang naiirita na ko sa pagkalabog niya
