Chapter 17
Behind the Tenfold
Tulala si Savannah at wala sa sarili sa unang araw ng training niya. Hindi siya makapagconcentrate sa sinasabi ng Archer Brothers at kahit anong gawin niyang magfocus sa lahat ng bagay ay isa lamang bagay o tao ang pumapasok sa kanyang isipan – si Law. Simula nung magpunta siya sa bahay ni Law at may mangyaring hindi niya inaasahan ay hindi na mawaglit pa iyon sa kanyang isipan. Gustuhin man niyang kalimutan ito kahit sandali lang ay hindi niya magawa.
“Savannah, napansin kong hindi ka naman nakikinig sa mga sinasabi namin. Okay ka lang ba?” Tumabi sa kanya si Tred sa inuupuan niyang bench. “Ano bang iniisip mo?”
Nandito sila sa likod ng mansyon para simulan ang training niya. Sina Jinnah, Blade at Irrah na lang muna ang pumasok sa eskwelahan at mag-aabse
