CHAPTER 24
“PWEDE ba, Kai? Huwag muna ngayon? Hindi pa nga... humuhupa ‘yung hiya ko sa mga...” kinamot ko ang noo ko habang hindi maituloy-tuloy ang gustong sabihin. Sa mga pinaggagawa mo sa ‘kin! ‘Yun dapat, with feelings ko dapat na sabihin.
“Alright, then let’s first talk about Mr. Guerrero if that’s what will make you comfortable.”
Napanguso ako at uminom muna ng red wine na nasa kopita namin bago nagsalita muli. “Wala namang importante, ‘yon lang talaga... nagsusustento sa pamilya ko, hindi ko siya kilala personally pero parang kilala naman siya nila Mama at Tatay kaya hindi na ako nakikialam.”
Mabagal na tumango siya habang nakalabi saka nagtanong muli, mukhang gustung-gusto talagang may mapag-usapan lang. “Ano kayang rason kung bakit nagsusustento sa inyo? May relasyon ba sila
