Tinaasan niya ito ng kilay. Pumalag siya at lumangoy palayo. Humabol ito ng langoy sa kanya at inabot uli siya.
“Kinakausap kita.”
“Wala akong problema. Baka ikaw, meron.” Mas matalim ang irap na isinibat niya dito.
“Nagsalamin ka ba bago ka lumabas? Alam mo ba kung ano iyang suot mo?” sita nito.
“Hindi ba naka-proper swimming attire ako?” may diin na sabi niya.
“Halos nakahubad ka na! Kitang-kita na ang buong katawan mo.”
Lalong tumaas ang kilay niya. “Akala ko, ganito ang gusto mo? Ganito din halos ang suot ni Venizia, ah? Pero hindi ka nagrereklamo.”
“You mean, kaya ka nagsuot niya ay dahil sa akin?”
“Ano sa palagay mo? Alangan namang para sa iba kaya ako nagsuot ng ganito?”
“Nagpapa-charming ka sa akin.” Lumambot ang ekspresyon nito. At kumislap ang panunudyo sa mga mata.
“Hi
