LUCIFER
“Pumunta ako sa office mo dahil nakipagkita ako sa isang kaibigan.” Ani Sergio. Sinasabi niya bang kaibigan ang empleyado ko? “Pupuntahan sana kita sa office mo hindi ko na nagawa dahil tumawag si Tatay na pumunta ako dito sa bahay ni lolo.” Dagdag pa niya. Kaya pala nandito siya. Akala ko natimbrehan niya ako.
“Maaga ako nag-out sa office kaya hindi mo rin ako maaabutan doon. Nakipagkita ako sa isang client ko,” pagsisinungaling ko.
Napatango ito. Napasulyap ako sa ama ni Sergio na nakatingin sa akin. Sa tagal nang nakikita at nakakasama ko siya ay hindi kami nagkakausap ng matagal. Yung huling usap namin nang humingi siya ng tawad at hindi na nasundan iyon.
Well, ayoko rin naman siyang kausapin pa ng matagal. Okay na ganito na lang kami. Aaminin kong may malaking galit pa
