JADE
Hindi ko maiwasang mapangiti sa tuwing naaalala ang naging pakikitungo sa akin ni Lucifer.
Hinimas ko ang tiyan ko. “Mabait na ang daddy mo, anak. Sana magtuloy-tuloy na ang kabaitan niya para masaya na tayo,” kausap ko sa anak ko. Halata na ang umbok ng tiyan ko. Medyo tumakaw na akong kumain. Palagi kasi akong nagugutom.
Tumayo ako upang lumabas muna sa veranda. Hindi ko napansin si Louie. Baka nasa silid niya. Hanggang ngayon wala pa rin si Nathan. Nagpaalam siya last time na babalik sa city dahil may importante siyang gagawin. May mga tauhan si Lucifer na nagbabantay sa amin, kaya wala akong pag-aalala.
Habang namamahinga, napansin ko ang itim na sasakyang pumasok sa loob ng gate. Tumango ang mga bodyguard. Biglang tumibok nang mabilis ang puso ko. Umalis ako sa veranda at
