KABANATA 32
TINA
Natapos na ang defense namin sa thesis. Pasado ang grade na nakuha namin ni Andre. Pati final exam ko okay naman. Sembreak na sa wakas! Teka, bakit ba ako nae-excite? Wala naman akong bakasyon. Work, work, work pa rin ako nitong sembreak.
Friday, last day ng pasok ko sa school, nagkita kami ni Andre. May ibinigay siya sa akin na inivitation para sa amin ni Mia para sa isang fashion show event kung saan isa siya sa mga modelong rarampa. Ang bongga! Tuwang-tuwa si Mia nang malaman niya. Mabubusog daw ang mga mata niya sa mga nag-gwagwapuhang mga modelo roon. Pero huwag ko raw siya isusumbong kay Kurt. Sila na nga pala. Ang bilis ‘no? Hindi man lang nagpakipot si Mia. Hindi raw uso sa kanila ni Kurt ‘yon.
Wednesday ‘yung fashion show at namromroblema kami ni Mia, kung
