Umiiyak si Ivy nang nasa kotse na siya. Saka niya pa ibinuhos ang lahat ng bigat sa dibdib niya. Hindi niya akalain na nagawa niyang papiliin si Charles.
Hindi naman siya ganito, alam niyang nadala lang siya sa nararamdaman niya ngayon. Hindi niya rin magawang buhayin ang engine ng kotse niya dahil hinihintay niya si Charles. Hinihintay niya na habulin siya nito.
Alam niyang mahalaga rito ang pamilya nila. Alam niyang mas pipiliin pa rin nito ang pamilya nila. Napa-hikbi siya, naisip niya na baka napa-paranoid lang siya ngayon. Naisip niya na baka nag-react lang siya kaagad sa maling basehan.
Mahina niyang iniuntog ang noo sa manibela. Halos naririnig niya na rin ang malakas na t***k ng puso niya. Nag-angat siya ng tingin nang may kumatok sa bintana ng kotse, mabilis niyang binuksan a
