GALIT NA GALIT si Agnes nang malaman niya na buntis si Agatha. Pakiramdam niya ay nanginig ang kanyang katawan dahil sa nalaman. Kaya pala makikipagkita ito sa kanya dahil sa problema nito.
"Buntis ka?" bulalas niya. Umiiyak sa harapan niya si Agatha nang ipinagtapat nito ang kalagayan nito sa kanya. Gigil na gigil siya sa kapatid. Lahat ginawa upang mapabuti lamang ang buhay nito kahit na nahihirapan siya pero ganito pa ang nangyari? Hindi yata katanggap-tanggap yun.
"Anong nangyari, Agatha? Sixteen years old ka pa lang--- kaka-sixteen mo pa lang to be exact. Anong malay mo sinasabi mong buntis ka? Alam mo ba ang ginagawa mo?" galit na galit niyang tanong sa kapatid. "Hindi ka nag-iisip. Alam mo naman ang sitwasyon natin ngayon. Hindi mo na pwedeng asahan si mama at lalong wala ka ng A
