Kabanata 64
BASTA na lang niya isinaksak ang kanyang mga gamit sa loob ng kanyang maleta. Ang ilan ay hindi na niya nakuha dahil sa kanyang pagmamadali hanggang sa tumunog ang pintuan niya.
"Yaya, pakibilis!" Suminghot na sabi niya saka siya pumihit para ilagay ang kanyang mga damit sa maleta na nasa ibabaw ng kama, pero laking dismaya niya na si Aslan ang pumasok at hindi si Guada.
"You're a demon!" Bulalas niya rito at saka niya ito pinaghahampas ng dala niyang mga damit, "Magpaliwanag ka!"
Aniya at halos maubos ang lakas niya. Lumuluhang napatingala siya rito.
"I'm…I'm sorry…" anito kaya lalo siyang nanlumo.
Sorry?
Umiiling na tumalikod siya at humagulhol.
"H-Hindi ko alam paano ako magpapaliwanag."
"Talaga! Dahil wala kang maipapaliwanag! Mas malinaw pa sa sinag ng araw ang na
