NAGING abala ang Wildflowers nang mga sumunod na linggo. Lahat sila ay nakatapos na ng lyrics na ipinapagawa sa kanila at ina-arrange na ni Adam Cervantes; na nalaman ni Carli na lihim na palang karelasyon ni Ginny. At tulad nga ng sinabi ni Rob, napansin agad niya na may naiba kay Stephanie at Anje mula nang umalis ang mga ito at bumalik sa hotel. Si Stephanie ay alam na nila ang dahilan—dahil may nakilala itong lalaki noong nagbakasyon ito at mukhang na-in love. Si Anje ay hindi pa nagsasabi. Pero madalas na nakikita niya sa mga mata nito ang kaparehong kislap sa mga mata niya kapag napapatingin siya sa salamin. She knew that like her, Anje was longing for someone. Someone out of reach.
Don’t go there. Iyon ang palagi niyang pangaral sa sarili niya kapag nagtataksil ang isip niya at naa
