Naging sunod-sunuran na muna si Lena kay Rigor para hindi na siya nito ikulong pang muli sa bodega.
Ang sabi sa kanya ni Rigor kapag nagkita sila nina Josa at Gloria ay sabihin niyang bumalik siya dahil humingi siya ng tawad kay Rigor at nagmakaawa siya na muling tanggapin nito kahit pa nagtangka siyang nagnakaw.
Humahanap lang ng magandang tiyempo si Lena para makatakas sa bahay ni Rigor. Ang kaso lang ay hindi pa nababalik ang buong tiwala nito sa kanya. Kapag umaalis ito para may puntahan ay ikinukulong pa rin siya sa bodega at pakakawalan lang kapag nagbalik na sa bahay.
Napagtanto ni Lena na hindi siya dapat magpatalo sa kalungkutan lalo na kay Rigor. Hindi mabibigyan ng hustisya ang mga taong ginagawan nito ng masama lalo kung maging siya ay mapapahamak.
Nais ni Lena na mahanap
