Makalipas ang ilang sandali, nakita ko ang isang napakalaking harang sa harapan namin. Sinilip ko mula dito kung anong meron sa loob pero wala manlang akong makita kundi ang dilim ng kapaligiran. Lumabas ang isang lalaki at tiningnan kami, nang makita nya ang mukha ni Brent ay awtomatikong nagbago ang emosyon sa mukha nito at nagmadaling ipabukas ang malaking harang. Unti-unti ay bumukas ito at muling pinaandar ang sasakyan. Kada isang metro ng agwat mula sa gate ay may mga bantay kang makikita. Mukhang matindi ang seguridad ng lugar na ito.
Maya-maya pa ay nakita ko ang liwanag at isang malaking bahay na may fountain sa harap. Tulad na tulad ito ng fountain na nandodoon sa unibersidad. Kamangha-mangha ang laki o kabuuan ng paligid. Siguro ay sampong beses ang laki nito sa bahay namin. Pa
