LOUISA’S POV
Matapos ang pakikipag-usap ko sa mga Kriegal ay medyo nakahinga ako ng maluwag nang mapansin na kahit papaano ay napaniwala ko ang mga ito. Pasimple ko pang tiningnan si Zyran at imbis na pagmamahal ay inis ang aking nakita nang makita ko ang kanyang itsura. Wala pang isang linggo nang makita ko ito pero parang wala ito sa sarili. Pansin ko noong mga nakaraang buwan ang pabago-bagong pag-uugali nito at lahat iyon ay nagsimula nang maikasal si Aoi sa Uncle nito. May mga pagkakataon na bigla na lamang itong nagagalit, tatahimik at minsan ay parang nawawala sa sarili. At kapag nasa ganoon na siyang sitwasyon ay inilalayo na siya ni Mama Zeny. Duda na ako na may itinatago ang mga ito at iyon din ang dahilan ng pagpunta ko rito.
Hindi ko alam na habang tulog ako ay kinuha na pal
