Muling sinaid ni DJ ang alak sa kanyang baso. Sapo-sapo niya ang kanyang ulo. Ilang oras na siyang nagpapakalasing.
“D*mn!”
Hindi na niya mabilang kung ilang ulit siyang napamura simula nang manggaling siya sa cottage ni Sahara. Sa sobrang selos na nararamdaman niya nang makita niyang kasama ito ni Lemuel ay hindi siya nag-iisip na pinuntuhan si Sahara. Nakalimutan niya ang babaeng mahal na naghihintay sa kanya. May usapan sila ni Natasha na magkikita sa kabilang bayan. Hindi nito pinaalam kahit kanino na nasa Palawan na ito.
Pero sa halip na makipagkita siya kay Natasha ay si Sahara ang pinuntahan niya. Sa huli, nasaktan niya ang dalaga.
Nasa kalagitnaan siya ng pag-angkin sa mga labi ng dalaga nang maalala niya ang usapan nila ni Natasha. Hindi niya alam na napalakas ang pagkakasamb
