Bumalik akong umiiyak sa may pool side. Madali akong dinaluhan ni Nana at Eliz. Pinaupo nila ako. Si Daddy naman ay tahimik na nakamasid. Batid ko ang kanyang galit. Habang si Mommy naman ay nanlalaki ang mata at pamasid masid sa paligid.
"What happened? Nasaan si Silvestre?" Tanong ni Nana.
Hindi ako sumagot. Mahapdi ang aking siko. Sinulyapan ko iyon at nakita ko na hindi lamang simpleng gasgas iyon kundi may mga sugat doon na dulot ng maliliit na bato.
"Hala! May sugat ka." Tinitigan iyon ni Eliz. Si Mommy naman ay aligaga sa pagtawag ng katulong para kumuha ng first aid kit.
Mabilis na dumalo si Mommy at ginamot ang aking siko. Kita ko ang pagkunot ng kanyang noo sa aking sugat. Mabilis kong pinahid ang mga luha na lumalandas sa aking pisngi.
"Now tell us,
