Addison's POV
Tulad nga ng sabi nila kanina ay iba na nga ang naghatid sa akin ng pananghalian ko. Isang may katandaang babae na sa tingin ko ay nasa singkwenta anyos na ang muling kumatok sa pinto ng kwarto ko at may bitbit na pagkain.
"Hello iha! Ako nga pala si Isabel, Manang Isabel na lang ang itawag mo sa akin. Ikaw siguro si Addison, tama ba ako?" Mahinahon at malumanay ang pagsasalita nito pero maaliwalas ang presensiya at ang mukha nito.
Binigyan ko naman ito ng maliit na ngiti at sinagot, "Opo Manang Isabel, ako nga po si Addison."
"Aba'y eh kagandang dalaga mo naman pala talaga ano? Sa tingin ko rin ay sobrang bait mong bata. Kaya hindi na ako nagtataka kung bakit ganon na lang pagpapahalaga sayo ng apat kong amo." Nakangiting sabi nito sa akin at tuluyan nang pumasok ng kwa
