ILANG ARAW na nga ang lumipas pero hindi pa rin bumabalik sa Mexico si Daryl.
May kung anong pumipigil sa kaniya para umalis. Na tila ba may pumipigil sa balikat niya at nagsasabi na huwag muna.
Paulit-ulit na nga siyang nag-impake. Binubuksan ang maleta, inaayos ang mga damit, tapos ay inilalabas din uli. Nakaparada na nga ang sasakyan niya sa tapat ng lumang bahay.
Ilang beses na rin siyang natuksong dumaan sa kabilang bahay para kumustahin ang mga magulang ni Carol.
Ilang hakbang lang naman kapag tumawid siya, kakatok at sasabihin na, "Tita, Tito, kumusta po kayo?"
Pero hindi niya magawa.
Ayaw niyang guluhin ang mga ito sa 'bagong Daryl' na may pilat sa kilay, may peklat sa braso, at may mga mata na hindi na marunong tumawa.
Isa pa, ayaw niyang makita uli si Carol. Simula n
