“DARYL, puwede ba tayong mag-usap?”
Napahinto sa paglalakad sa hallway si Daryl nang tawagin siya ni Lander. Kalalabas lang niya ng silid ni Carol at ikukuha niya sana ito ng tubig. Nakangiti pa naman siya na parang teenager.
Kaya bago siya humarap kay Lander ay pinalis muna niya ang ngiting iyon at saka sumeryoso.
“Sure.” Tumango siya.
Hindi na siya nagtanong pa kung tungkol saan ang pag-uusapan nila ng kaibigan. Alam niya na kapag binanggit nito ang pangalan niya, gusto ni Lander na kausapin siya bilang kaibigan at hindi bilang si Boss D na pinuno ng Los Collazos.
Hindi lang naman si Lander ang ganoon kundi pati na rin ang iba pa niyang mga kaibigan.
At kahit hindi man niya sabihin, batid na ni Daryl kung para saan ang pag-uusapan nila ni Lander.
“Hindi naman siguro ito tungkol
