PARANG HINIHIWA ng maliliit ang aking puso dahil sa sakit na nararamdaman ko, habang nanunumpa si Mayor Cody sa harapan ko, at ng maraming tao dito sa loob ng auditorium. Todo pigil rin ako ng aking paghinga para hindi ko mapakawalan ang iyak na kanina ko pa pinipigilan. Parang gusto kong magwala sa galit, dahil sa impaktang linta na umeepal sa asawa ko. Halos hindi na rin ako makagalaw, dahil sa pagkabigla ko kanina ng sumulpot ang linta sa stage.
Napatingin rin sa akin si Mayor Cody, at tiningnan niya ako ng makahulugan. Nakita ko rin sa mga titig niya sa akin ang tila humihingi ng pang-unawa, ngunit paano ko uunawain ang malant0d na babae na nasa tabi niya ngayon. Ninakaw ng impaktang linta ang papel ko bilang asawa ni Mayor. Dapat ako ang nasa kinatatayuan niya ngayon at humahawak ng
