Mahimbing ang tulog ni Gwendolyn, nang bigla bumalik sa kanyang alaala ang bakas ng kahapon na matagal nang nabura sa kanyang isipan.
"Anak... ano mang mangyari huwag kang magalit kay Tita Carmel mo," pakiusap ng babae sa kanyang anak na nakatali sa may isang poste.
"Hindi po Mama... pero Ma, please 'wag na kayong manlaban! Sabihin niyo na po kung nasaan si Tita Carmel," pakiusap ng bata sa kanyang ina. "Sige na po... para hindi ka na saktan ng lalaking iyon! Please po!"
"Anak, hindi ko pwedeng sabihin sa kanya. Ikukulong at sasaktan niya na naman si Tita Carmel mo. Magiging impyerno na naman ang buhay niya. Hindi ko sasabihin sa kanya kung nasaan si Carmel, ngayong batid ko na maligaya na siya sa kanyang kinaroroonan."
"Paano po tayo, Ma? Kapag hindi ninyo sasabihin kung nasaan si T
