Naguguluhan ako dahil naiipit kung kanino ko ilalaan ang atensyon. Pero sa huli, mas pinili kong paalisin na si Trio. Hindi iyon naging madali dahil nais pa niyang manatili para mag-usap. Paano ko siya mapaglalaanan ng oras kung nawawala pa ako sa sarili ko?
`Di ko alam kung anong naisip ni Alania para sabihin kay Trio ang lahat. She could’ve kept it. Sana tumanggi na lang siya at sinabing mas prayoridad niya ang pag-aaral. Kaya ngayon, sa mata ni Trio, para bang kasalanan ko pang hindi siya mabibigyan ng pagkakataon. Kasalanan bang umibig sa kaniya gayong huli na nang malaman kong may gusto pala siya sa kaibigan ko?
Matagal-tagal akong nanatili sa gilid ng tarangkahan upang masiguro na umalis na siya. Dumidilim na ang paligid. Nagsisilitawan na ang mga bituin. Maswerte na lang siya kung
