Hindi naman kinuwestyon ni Bryce kung bakit nauna na akong pumunta ng school. Ang dahilan kung bakit kailangan niya ako sa puwestong ito ay para magtanong tungkol sa isang activity na gagawin mamaya. Sinabay na rin niya `yong tungkol sa mga pointers ng short quiz na last minute niya pa lang pag-aaralan. Kinaginhawa kong doon lang umikot ang aming usapan.
Okay naman, so far. Mula ala una hanggang alas otso ng gabi, bagaman ginugulo ng mga nangyari kanina, ginawa ko pa rin ang makakaya ko upang makasunod sa klase. Excused na naman si Imon kaya halos wala akong nakadaldalan. Kung may naging problema man, `yon ay ang inaasahan kong atensyon ng ilan kong mga kaklase dahil sa nabalitaang magkasama kami kanina ni Trio.
“How true? Oh my God!” reaksyon ni Imon nang makalabas na kami ni Bryce ng s
