Nakaupo siya sa sofa na nasa salas ng kanilang bahay habang kaharap ang kanyang Lola Margarita. Si Becca naman ay nauna ng umuwi nang mapagtanto nito ang sitwasyon nila. Napasimangot siya nang mapagtantong natakot itong madamay sa galit ng lola niya kung sakali.
"Ano itong narinig ko kanina, Malia? Totoo ba na may boyfriend ka na?"
Dahan-dahan siyang nag-angat ng tingin. Bakas ang galit sa itsura nito na naiintindihan naman niya kung bakit.
"Tinatanong kita, Malia..."
Tumukhim siya. "O—opo Lola..."
"Bakit hindi mo agad sinabi sakin? Nakalimutan mo na ba ang bilin ko sayo noon na magsasabi ka sa akin kapag may nagugustuhan ka na para makilatis ko kung makakabuti ba sa iyo ang taong iyan o hindi?"
"N—naaalala po," nakayuko niyang sagot.
"Oh bakit hindi mo sinabi sakin?"
"Pinangunaha
