Naireport na nina Don Philip sa mga pulis ang tungkol sa pagkawala ni Baby Armina nang magliwanag ng araw na iyon. Nag ikot-ikot at nagtanong-tanong na rin sina Calix at Meng kung saan-saan. Subalit nananatiling walang kahit anong sign kung nasaan si Baby Armina.
"Dyusko, Calix... ano na kayang nangyayari sa anak ko... may iniinom ba siyang gatas ngayon..." umiiyak at nanghihinang sabi ni Meng habang nasa daan pabalik sa bahay ng mga Razon.
Pagkarating nila sa bahay ay wala sina Don Philip at Doña Catrina dahil patuloy din sa paghahanap ang mag-asawa. Dumeretso si Meng sa kuwarto ng kaniyang mga biyenan kung saan naroon ang crib ni Baby Armina. Tulalang napasalampak siya ng upo sa tabi ng crib at niyakap iyon.
Bumungad naman si Calix sa pinto at awang-awa kay Meng. Humakbang siya at nau
