“BENTA. Bumebenta ang palabas natin sa kanya,” mahinang sabi ni Chris sa kanya. Ibinulong nito iyon sa mismong tapat ng tenga niya.
Napaigik siya sa kiliti. Pero sa halip na makaiwas dito ay lalo siyang hinapit nito. Kumapit siya sa sinturera nito. Itinulak ni Chris ang pinto ng magiging kuwarto nila. Nang makapasok sila doon, bumitaw siya dito pero lalo pa siyang kinabig nito.
“Welcome to our honeymoon suite!”
“Honeymoon suite ka riyan.” Itinulak niya ito at saka iginala ang tingin sa kabuuan ng kuwarto.
Mukha na ring master bedroom iyon sa laki at rangya ng mga antigong gamit. Bukod sa malapad na kama ay may coffee table pa doon na nakatapat sa malapad na bintana. Humakbang siya at inusyoso ang maliit na pinto sa isang panig. Walk-in closet. Doon na rin ang daan patungo sa sariling b
