Chapter 10
*Vanessa*
Nakabukas nga pala ang pinto ng kwarto ko! At hindi ko alam kung gaano na katagal si Papa na nakatayo doon. Malamang sa malamang kitang kita niya ang ginagawa namin. Agad kong tinulak si Rafael. Bumangon siya sa kama at ako naman, inayos ko agad ang sarili.
Grabe ang kabang nararamdaman ko ngayon lalo na ang makita kong galit na galit si Papa. Madilim ang awra niya parang gustong pumatay ng tao. Nakakuyom din ang mga kamao niya parang ano mang oras ay mananapak siya. Ngayon ko lang siya nakita ng ganito.
Tiningnan niya ko ng ubod ng sama. Naiiyak ako dahil sa reaksyon ni Papa sa akin. Ano itong nagawa ko? Akala ko kanina ay malulusutan ko ang pagtatagpo nila, mas malala pala ang mangyayari.
“Papa,” mahinang boses ang lumabas sa bibig ko. Hindi ko matignan ng dere
