Agad na bumungad sa kanya ang hindi inaasahang tanawin—si Georrie, ang kanyang asawa, at ilan sa mga kasambahay ay magkakaumpok sa living area. Kanya-kanya silang puwesto, tila mga estatwa, habang nakatutok sa laptop na nasa gitna ng mesa. Ilang sandali pa, napansin niyang may mga luha sa pisngi ng mga babae, at maging si Georrie ay tahimik na sumisinghot.
Lumapit siya agad, bakas sa mukha ang pagkalito at bahagyang kaba.
“Anong nangyayari rito?” seryoso niyang tanong habang sinusuri ang mukha ng asawa. Kahit hindi gaanong kita ang mga mata ni Georrie dahil sa mahaba nitong buhok, tiyak niya—mugto na ito sa pag-iyak.
Mabilis na itinakip ni Georrie ang palad sa labi, pilit itinatago ang mga hikbi. “Bakit, hindi mo ba nakikita? Nanood kami ng pelikula sa laptop ko,” sagot nito, pilit pina
