Unti-unti kong iminulat ang aking mga mata na inaantok pa.
Malabo ang anag-ag na aking nakikita.
Muli akong pumikit at muling nagmulat.
Kumurap-kurap ako.
Paulit-ulit kong ginawa hanggang sa masanay na ang paningin ko sa liwanag sa paligid.
Kulay puti.
Puting kisame at puting ilaw.
Nasaan ako? Naguguluhan kong tanong sa aking isipan.
Sigurado akong hindi ito ang kwarto kong gamit. Kulay pink ang kulay ng pintura ng silid ko at hindi kulay puti.
At saka bakit parang amoy gamot na parang amoy alcohol na hindi ko mawari?
Nasaan ba ako?
Pinilit kong alalahanin ang mga nangyari.
Napabalikwas ako sa pagkakahiga ng may mga maalaalang tagpo sa aking isipan. Naging malinaw sa alaala ko ang lahat. Mula sa pagpapa ultrasounds ko hanggang sa aksidente akong mahulog sa mataas na baitang na
