(Revelations)
“SAAN KO UTANG ang pagbisita mo sa akin, Mr. Mondragon,” kalmadong tanong ni Myron nang makalabas na ang kanyang sekretarya. “Sa pagkakaalam ko ay wala naman akong kahit na maliit na utang mula sa iyo. May maitutulong ba ako?”
“Hindi na ako magpapaliguy-ligoy pa, Myron. Ilang buwan ng hindi umuuwi si Liberty sa kanila. Hindi ko rin makontak ang mobile number niya dahil gusto ko siyang kausapin,” diretsong sabi ni Justice. Impatient.
“Kausapin?” pumalatak siya. “Para saan pa? Kung siya na mismo ang lumayo sa iyo ay baka may malalim siyang dahilan. Pati ang pamilya niya ay hindi niya magawang uwian dahil sa – “
“Dahil ano, Myron? Ituloy mo ang nais mong sabihin. Sigurado naman ako na may alam ka kung nasaan si Liberty ngayon, hindi ba? At hindi ko na kailangan pang itano
