(Resisting him)
WALA SILANG IMIKAN habang lulan ng sasakyan. Gusto ni Liberty saktan ang sarili dahil nagawa niyang bumigay kay Justice ng walang kahirap-hirap. Mabuti na lang at bumalik ang kanyang katinuan kaya hindi sila humantong sa inaasahan nito.
Bwisit talaga! Ang weak mo, Liberty!
Tiningnan niya ang mobile phone niya. Wala man lang text o tawag mula kay Myron na labis niyang ipinagtaka. May nangyari kaya na hindi niya alam? Paano na si baby Hope? Sana naman okay lang ang lahat dahil si Manang Mona lang ang kasama ng kanyang anak.
Si baby Hope na anak nila ni Justice. Lalong nadagdagan ang inis na nararamdaman niya ngayong kasama niya ang lalaki sa loob ng sasakyan. Balewala rin ang pagtutol na ginawa niya dahil tiyak lang na siya pa rin ang talo sa huli. Pagbibigyan niya mun
