Abot langit ang ngiti ng labi.
Maaliwalas ang mukha.
Nakataas ang kilay pero mababanaag pa rin ang tuwa sa mukha.
Ito lang naman ang hitsura ni Migs matapos bumulaga sa kanyang paningin ang hitsura ng master bedroom. Hindi na nito nagawang isarado ang pinto.
Kaya naman wala siya kamalayan na nakamasid sa kanya ang isang pares ng mata buhat sa isang sulok sa hallway.
Mula sa sulok na iyon ay tahimik na lumuluha si Janna. Habang pinagmamasdan ang bawat galaw ng asawa. Iniingatan niya na huwag makita ni Migs sa pinagkukublihang sulok. Nakukutuban na kasi niya ang susunod na gagawin nito.
Ganito ba ang mukha ng isang loyal na asawa?
Ganito ba ang hitsura ng isang faithful na asawa?
Ganito ba ang kilos ng isang God-fearing na asawa?
Wala man lang siya makita na pagkabahala sa hitsur
