Naging mainitin ang ulo ni Janna. Madalas itong tahimik. Kahit sa trabaho ay malaki ang ipinagbago nito. Wala na ang dating masiglang Architect Janna Elijah Bermudez. Awang-awa si Migs sa kanyang misis. Inuunawa na lamang niya ang ugali nito. Lalo na ngayon na ganito kahirap ang sitwasyon ng asawa.
Hindi alam ni Migs kung hanggang kailan niya mapanghahawakan ang lahat ng ito. Basta ang alam lamang niya sa ngayon ay kailangan niya magpakatatag para sa sarili at higit lalo para kay Janna. Hindi dapat niya ipakita sa asawa na siya mismo ay pinanghihinaan na ng loob.
Paano ba niya tatanggapin sa kanyang sarili ang difficult consequences na dala ng napakabigat na pagsubok na ito?
Kapag nawala ang obaryo ng kanyang misis.
Wala na ito kakayahan na mag-produce ng egg cell.
