PAKIRAMDAM NI Kitch ay malapit nang mabigyan ng hustisya ang lahat ng buhay na natapos dahil sa mga Obalagi. At sa tingin niya ay iyon na ang simula para masimulan na nila ang pagshu-shooting at final editing.
Habang hinihintay ang araw na matapos ay aligaga ang kanilang grupo at mga pulis na magtago sa iba't ibang sulok ng Ademian University. Habang ang operator na si Mike ay tila kabado sa kung anuman ang p'wedeng mangyari. Ngayong araw din kasi ang posibleng pagbabalik ng mga Obalagi at iyon ang nakikitang posibleng pag-asa ni Kitch para mahuli ang mga ito.
At sa kanilang pagtatago ay hindi maiwasang makaramdam ni Devee nang pangangalay ng mga tuhod kung kaya sandali itong napaupo sa sahig. At ilang minuto na lamang ang lumipas ay hindi maiwasang magsalita ni Daizy, "Devee, okay ka n
