"Luisa, huwag kang mag-alala. Hindi kita pababayaan, aalagaan kita. Kayong dalawa ng magiging anak mo. Magsasama tayo bilang totoong mag-asawa hindi lang basta sa papel. Help me and I'll save you."
Nang magmulat siya nang mga mata ay napabuntong-hininga siya. Naging mabait at mabuting asawa at tatay kay Thor naman sa kanila si Mateo pero sa tingin niya ay meron pa rin kulang. Alam niya sa sarili niyang hindi rin siya lubos na minahal ng asawa niya dahil hindi ito ganoon ka-intimate sa kan'ya. Hindi sila kailanman nagpalitan ng I love you. Hindi sila katulad ng normal na mag-asawa na madalas na nag-uusap at nagkwekwentuhan ng mga bagay na nangyari sa kanila sa loob ng isang araw. Sa tingin niya ay meron pa rin pader na nakaharang sa pagitan nilang dalawa. Pero isa lang ang nasisiguro niya
