Habang mahimbing na natutulog ang asawa niya sa tabi niya ay matiim niya itong tinitigan. Pinagpahinga na muna niya ito dahil alam niyang pagod na pagod pa ito. Marami pa namang mga araw para alamin niya ang totoong nangyari.
Habang nakatitig siya sa asawa niya ay may bigat siyang nararamdaman. Nagloko siya, niloko niya ang asawa niya. Nakipag-ulayaw siya sa lalaking hindi naman niya asawa.
Dahil sa tindi ng guilt na nararamdaman ay hindi niya namamalayan na halos mapunit na pala ang kumot na hawak niya dahil sa tindi ng emosyong nararamdaman.
Dahan-dahan siyang lumapit sa asawa at maingat na idinampi ang isa niyang palad sa isa nitong pisngi. "Patawarin mo ako, Mateo. Hindi ko sinasadya," at mabilis na nagpatakan ang mga luha sa mga pisngi niya.
Pero bakit sa pagpikit niya ay mukha ni
