KABANATA 21
“PAISA,” WALANG TUNOG na sabi ni Adale.
Napatango si Ravia at agad na sinenyasan na tumahimik ito. Naintindihan ni Adale ang kaniyang gusto na mangyari kaya napangiti na lang siya rito. Sa pagkakataong iyon, hindi na siya nagsalita at ipinagpatuloy na ang pagpapaligo sa kaniyang kasintahan.
Nang natapos, binalutan na niya ng dalawang tuwalya ang katawan nito. Isa sa ibabang parte at ang isa ay ginamit niya para pangpunas sa katawan nito. Nahihilo siya pero kinakaya niya para rito. Pareho kaya silang lasing.
Nang tuyo na ang katawan nito, inilabas na nila ito ni Adale sa banyo. Pinasandal niya muna ito sa kama habang hinihintay ang susuotin nito na kinuha ni Adale sa drawer.
“Dale, dito ka muna. Kukunin ko muna ang blower sa bag,” aniya.
Hinanap na ni Ravia ang blower sa
