HUMUGOT ng malalim na buntong-hininga si Victoria ng makapasok siya sa loob ng banyo. Saglit muna siyang hindi kumilos hanggang sa inilabas niya ang pregnancy test kit sa bulsa ng suot niyang pantalon.
Gaya ng sinabi ni Yngrid sa kanila ay bumili pa sila ng isa pang pregnancy kit para muling i-test ang sarili. At sa pagkakataong iyon ay ngayon umaga naman dahil iyon daw ang magandang oras para mag-pregnancy test.
Sa pangalawang pagkakataon ay bumuntong-hininga na naman siya. At saka na niya ginawa ang dapat niyang gawin.
Ipinikit niya ang mga mata habang hinihintay niya ang resulta. At nang magmulat siya ay agad na tumutok ang tingin sa hawak niya.
At napaawang ang labi niya nang makita niya ang resulta ng ginawa niyang test.
Dalawang pulang marka ulit. Buntis talaga siya.
Hind
