"UUWI na talaga kayo sa Isla?" tanong ni Danielle sa kanya nang matapos niyang sabihin dito ang naging pasya niya. Napansin nga niya ang lungkot sa boses nito nang itanong nito iyon sa kanya.
Tumango si Victoria bilang sagot dito. "O-oo. Nag-aalala na din kasi ako kina Nanay at kay Callum do'n," sagot niya. Halos hindi din siya makatingin ng deretso kay Danielle dahil baka may mabasa pa ito sa mga mata niya.
Narinig naman niya ang paghugot nito ng malalim na buntong-hininga. "Kailan niyo balak umuwi?" sunod na tanong nito sa kanya.
"Hmm...next week," sagot ni Victoria kay Danielle. Nang magpaalam siya kay Francis at nang sabihin nitong mag-submit siya ng resignation niya sa HR ay agad niyang gumawa niyo. At habang tina-type nga niya ang naturang resignation ay naninikip ang dibdib ni
