BUMABA ang tingin ni Victoria sa kamay niyang nasa ibabaw ng kanyang hita nang maramdaman niya ang mainit na kamay ni Yngrid na humawak do'n. Naramdaman nga din niya ang pagpisil nito sa kamay niya bago siya dahan-dahan na nag-angat ng tingin patungo sa mukha nito. Kitang-kita niya ang nag-aalalang ekspresyon ng mukha nito ng sandaling iyon habang nakatingin ito sa kanya.
Mukhang nag-aalala ito dahil sa nasaksihan niya kanina. Ang pagpapakasal ng lalaking mahal na mahal niya sa ibang babae.
"Ayos ka lang ba talaga, Victoria?" tanong ni Yngrid sa kanya na nag-aalalang boses.
Kinagat ni Victoria ang ibabang labi para pigilan ang sarili na huwag umiyak ng sandaling iyon. Nangako kasi siya sa sarili na hindi na niya iiyakan si Francis, na huling beses na niya itong iiyakan. Pero alam niy
