“Salamat, Djora. May pasalubong na nga kami mula sa ‘yo noong pagkagaling n’yo ng shooting, eh. Hindi ka na sana nag-abala pa,” ang nakangiting wika ng nanay ni Tavi nang ibinigay ng dalaga ang regalo para rito at birthday girl.
Payat ang ginang na maagang nabiyuda at itinaguyod ang tatlong anak sa pamamagitan ng pagtitinda noon ng gulay sa palengke hanggang si Tavi na ang tumatayong breadwinner ng pamilya.
Maliit lang ang bungalow na bahay ng mag-iina at malapit sa mga kapitbahay. Halos magkadikit ang mga iyon. Masinop sa loob, hindi katulad sa labas na makalat at maraming mga batang naglalaro. Ang iba ay nakahubad at naglalaro sa may poso na hindi malayo kina Tavi. Marami ring mga tsismosang nagkukumpulan sa may kanto kasama ang mga lasinggero.
Hapon pa lang kaya may ilang oras pa pa
