Nagkaroon silang lahat ng dinner sa isang restoran pagkatapos ng kanilang TV appearance. Ayaw kasing pakawalan ni Cavell kaagad ang presensiya ni Djora kaya inimbitahan na niya ang lahat. Alam niyang hindi ito makakatanggi kapag nilalahat niya lalo na’t sasama si Tavi. Ayaw nitong pabayaan lang dahil magkasama naman ang mga itong pumunta ng TV station.
Isa-isang umalis ang mga kasamahan nila nang lumalim na ang gabi. Ang dinner ay naging inuman at kasiyahan. Buti na lang sa isang VIP room sila para magkaroon ng privacy at hindi rin makaistorbo sa ibang customers ng restoran. Kakilala niya naman ang may-ari kaya mas lalong maayos ang pagtrato sa kanila ng crew.
Kaunti lang ang ininom ni Cavell at palagi niyang pinagmamasdan si Djora na panay ang inom ng red wine at nakipagkuwentuhan ito s
