"B-Black, bakit mo hawak 'yan?" Nauutal na bulalas ni Melanie, habang ako nama'y nakaupo sa sofa at hawak pa rin ang year book na nakita ko kanina. Mabilis siyang humakbang papunta sa harapan ko, para bang gustong kumpirmahin kung ano ang nasa aking mga kamay.
"A-Ah." Tanging nasambit ko bunga pa rin ng gulat, hindi ko alam kung dahil iyon sa biglaang pagdating niya o sa natuklasan ko. Pinilit kong ngumiti kahit na magulo pa rin ang isipan ko.
"Magkakilala pala kayo ni Nathan 'no?"
Ayoko sanang ipakita ang aking pagkagulat pero hindi ko na napigil ang sarili ko na tanungin iyon. It was too surprising to know and ignore. Never did I imagine that they've known each other before - and even classmates on that note. Napaka-pormal kasi nila kahit noong una kong makilala si Nat
