Kanina pa nag-iinom sina Nicholai pero hanggang ngayon ay hindi pa tapos ang mga ito.
'Yong kapatid niya kasi ang pasimuno dahil inutusan siya nitong magluto ng sisig, adobo at papaitan.
Ang hindi niya alam ay gagawin lang naman pala nitong pulutan kasama ang mga kaibigan nito.
Imagine, alas-singko pa ng hapon nagsimula ang mga ito pero hanggang ngayon ay hindi pa rin tapos.
Ito kasing si Kazimir mukhang malaki ang pinagdaanan dahil bumili ito ng anim na case na beer kanina.
Simula nang pumunta sila rito ay halos gabi-gabi yatang umiinom ang mga 'to pero mas malala ngayon dahil talagang bumabaha ng alak.
Nang hindi na siya makatiis sa pagmamasid ay nilapitan na niya ang mga ito at pinamaywangan.
"Hindi pa ba kayo hihinto sa kakainom?" tanong niya kaya napatingin ang mga ito sa
