Forty-one
Naalimpungatan siya sa naghuhuramentadong doorbell nila. Mukhang kanina pa ang tao na nasa labas ng kanilang unit. Bigla naman niyang naisip na baka ang kapatid niya ang dumating, naglock din kasi siya ng lock sa loob kaya naman walang makakapasok sa loob kahit pa may susi ang taong nasa labas.
Tinatamad siyang tumayo, mahimbing pa din ang pagkakatulog ng mga anak sa tabi niya. Buti nalang hindi nagising ang mga ito sa ingay ng doorbell nila.
Nag-iinat pa siya habang naglalakad papunta sa main door ng unit nila.
Wala sa loob niyang binuksan na lang ang pinto na hindi man lang tinanong kung sino ang nasa labas.
“Honey”tawag niya ng makilala ang nasa pinto.
Nakakunot noo itong pinagmasdan siya mula ulo hanggang paa. Kitang-kita dito na hindi ito masaya sa nakikita niya.
