Ang malamig na kuwarto ang siyang gumising sa diwa ni Yiesha. Bahagya siyang napadaing gawa nang naalimpungatan siya dahil sa ginaw. Dahan-dahan niyang ibinuka ang kaniyang mga mata at agad na tumambad sa kaniya ang liwanag na tumama sa makapal na kurtina na siyang galing sa labas. Iginalaw niya ang kaniyang katawan upang umalis sa higaan, subalit napatigil siya nang mapagtanto niyang matigas ang kaniyang unan na siyang ibang-iba sa unan na nakasanayan niya. Napakunot ang kaniyang noo lalo na nang maramdaman niya na may mabigat na nakadagan sa may bandang tiyan niya.
Kinapa niya ito at nanlaki kaagad ang kaniyang mga mata nang may mahawakan siyang mga daliri. Dahil sa bagong gising pa lamang siya, hindi kaagad siya nakaramdam ng kaba kung bakit ganoon ang kaniyang unan. Ipinagpatuloy niy
