DALI-DALING nagmaneho si Axriel patungo sa kanilang bahay. Nag-aalala siya sa kalagayan ni Niella. hindi dahil may nararamdaman pa siya para rito kundi ayaw niyang mawala ang ina ng kaniyang anak. Gustuhin niya man na puntahan ito, subalit hindi niya alam kung saang hospital ito dinala. At sa ngayo ay mas mabuting puntahan niya muna ang anak na walang kaalam-alam sa kung anong nangyari sa ina niya.
Mabuti na lamang at hindi gaanong marami ang sasakyan kung kaya't hindi masikip ang kalsada. Dahil dito ay agad siyang nakauwi at nagmamadaling pumasok sa loob ng bahay.
"Babe," pagtawag niya sa asawa habang hinuhubad ang kaniyang polo.
Lumabas naman galing sa kusina si Yiesha na kasalukuyang naghahanda ng meryenda para sa mga bata. Malungkot niyang tinignan si Axriel at nilapitan ito.
"T
